قطب الاقطاب شیخ محمد رشید جون پوری
خانقاہ عالیہ رشیدیہ چمنی بازار، پورنیہ، بہار کا نہایت ہی سادگی سے بھرا صوفیانہ دروازہ جہاں حضرت بندگی شیخ محمد مصطفی جمال الحق عثمانی جون پوری آرام فرما ہیں۔ آپ کی نسل میں نابغہ روزگار مصنفین صوفیہ پیدا ہوئے۔ حضرت قطب الاقطاب شیخ محمد رشید جون پوری (ف:بروز جمعہ،رمضان المبارک، 1672ء) آپ ہی کے صاحبزادے ہیں۔ حضرت قطب الاقطاب کی تصنیف "مناظرہ رشیدیہ" فن مناظرہ میں نہایت ہی بے نظیر کتاب ہے اور پورے عالم اسلام میں اہل علم کے مابین متداول ہے۔ ہند و پاک کے تقریبا تمام مدارس میں اس کا درس دیا جاتا ہے۔ پورنیہ و اطراف میں اسلام و تصوف کی اشاعت میں خانقاہ رشیدیہ چمنی بازار کا بڑا کلیدی کردار ہے۔
